ازاي تعمل c.v من ابلكشن resume builder الجزء الثاني

     هنكمل معاكواخطوات  تنسيق السيرة الذاتية وانتوا بتستخدموا التطبيق

1 - templates. . الاختيار ده بيعرض لك اشكال مختلفه للسيره الذاتيه . . . خد بالك وانت بتختار بمعني اختار هيئه واضحه و مش حتعملك مشاكل لو فكرت تطبعها

2 - colour sets دى فيها بتختار الوان السيرة الذاتيه و هنا بقي يفضل اختيار درجات الرمادي علشان لما تطبعها متواجهش اي مشكله

3 - section settings . . هنا بيديك الفرصه تغير ترتيب اقسام السيرة الذاتيه نفسها لو حابب مثلا الكورسات تبقي بعد المؤهلات التعليمية تقدر تعمل ده

4 - default text and icons . .  هنا بتقدر تعدل في اسم القسم نفسه زي مثلا تغيير المعلومات الشخصيه ل البيانات الشخصية

A . . تقدر تعمل ده بضغطك علي حرف 

5- font styles . . . هنا بيتحكم لك في حجم/ سمك/ ميل الخط المستخدم و تقدر تحط تحته خط كمان . . .

 بتتحكم في كل خط السيرة الذاتيه في الصورة حتشوفall resume/cv text

(Name text) خط اسمك

(Personal details)ده جزء البيانات الشخصية

(Section title )ده خط الاقسام زي الخبرات واللغات  ..الخ  

(كدا احنا خلصنا بس في شوية نصايح لحجم وشكل الخط وطريقه الحفظ خد بالك منهم)

فيه ٤ اختيارات فوق دول الاساس
Size علشان حجم الخط
Italic علشان ميل الخط و مش حتحتاجها
Bold علشان سمك الخط
Decoration علشان تحط خط تحت كلام معين

الاختيارات اللي بعد كده حتساعدك تغير في شكل تفاصيل السيرة الذاتيه نفسها . . احسنلك متجيش جنبها عشان غالبا حتغير الشكل اللي انت تعبت في اختياره في الخطوة الاولي . . . الحاجه الوحيده اللي ممكن تستخدمها هنا اول اختيار في الصورة 

personal info themes

 و ده في حاله لو اخترت شكل سي في ملون جزء البيانات الشخصيه اللي فوق وانت شايف انه مش واضح . .

________________________________________________________________

احنا كدا خلصنا هوضح خطوات الحفظ الاخيرة 

cvاخررررر خطوة . . خلاص خلصت و راضي عن شكل ال

save method 1بتضغط علي

تطبعها او تقدم بيها اونلاين pdf علشان تحتفظ بنسخه

save method 1  لما تضغط

حيجيبلك الصورة دي. . اتبع السهم

cvبعد كدا هتختار مكان اللي تحفظ في ال 

واخيرا بتعمل 

save وبالتوفيق

ازاي تعمل c.v من ابلكشن resume builder الجزء الاول

(10)

مراحل بسيطة وسهلة

دي اول حاجه حتشوفها اول ما تفتح التطبيق

 . . . اختيارك ل عربي او انجليزي 

ده بيكون لغه ال

CV

مش لغه التطبيق . . . بمعني لو اخترت عربي السيرة

الذاتية حتكون بالعربي بس التعليمات و التطبيق 

نفسه 

بالانجليزي حنشوف ده في الصور الجاية

المرحله التانية

دي تاني خطوة هتقابلك بعد اختياراللغه . . . و دول  

٣ مراحل . . رقم واحد 

fill resume/cv

cv دي من خلالها بتدخل كل بياناتك اللي 

حابب ترفقها في ال

resume template style control 

panel   الخطوة التانيه 

cv دي عشان تنسق ال

يعني تختار شكله و الوانه و حتحط صورتك ولالا 

شكل الخط و حجمه و هكذا الخطوة الاخيرة بتوريك 

السي في المحفوظ لو عامل كذا واحد تاخده 

نسخة pdf. 

وتطبعها او تحتفظ بيها علي جهازك لو هتقدم اونلاين

المرحله ال 3


ده اللي حتشوفوه اول متضغطوا علي الاختيار الاول 
fill resume. .
 و دي عبارة عن اقسام السيرة الذاتية نفسها . . . كل المطلوب منك تضغط علي كل قسم علشان تدخل بياناتك بدايه من المعلومات الشخصيه /للمؤهلات التعليميه . . الخ . . . طيب لو لقيت عندك قسم مش حابب يبقي عندك في الcv بتضغط عليالمربع الاحمر اللي عليه سله مهملات عشان تلغيه. . امابقي لو حابب تضيف قسم جديد بتضغط علي العلامه البرتقالي اللي مشاور عليها السهم😂✌🏼

المرحله الرابعة

لما تضغط علي العلامه انك تضيف قسم جديد 
add 
more resume  
ده اللي حيظهرلك علشان تختارمنه

المرحله الخامسة

اول قسم : المعلومات الشخصيه
**name الاسم---اسمك رباعي
**profession المهنه --- المقصود بها عملك الحالي ان وجد
**phone هاتف
**present address العنوان الحالي
**permanent address العنوان الدائم قصده لو انت مثلا مغترب فعنوانك الحالي في مكان لكن انت اصلا من مكان تاني و كلمه optional اللي بين الاقواس معناها اختياري يعني مش لازم تملا الخانه دي خصوصا لو عنوانك الحالي هو الدائم مش حتكتبه مرتين يعني😃
** email البريد الالكتروني
**date of birth تاريخ الميلاد
** place of birth محل الولاده -- البلد اللي اتولدت فيها
**marital status الحاله الاجتماعيه
اعزبsingle
متزوجmarried
مطلقdevorced
**nationality الجنسيه
**website لو عندك موقع خاص بيك

المرحله السادسة

تاني قسم : الهدف
انا مقدرش اقولك تكتب ايه هنا لان كل مهنه حيبقي لها هدف مختلف
و الموضوع اختياري عموما للقسم ده لكن اقدر اقولك تكتبه ازاي
الهدف لازم يكون هدف خاص و محدد
يعني لو مقدم علي مهنه مدرس مينفعش هدفك يكون عشان بحب التدريس ده هدف عام جداا لكن ممكن يكون علشان اقدر اوصل العلوم بطريقه ابداعيه و بسيطه تساعد الطلاب علي التفكير و التطور مثلا
و اكيد الهدف لازم تكون فاهمه و عارف تكلم عنه عشان لو اتسالت عليه في الانترفيو 😃😃

المرحلة السابعة

هيكون في المرحلة التالتة من البيانات
القسم التالت المؤهلات التعليمية. . . لما تضغط عليه حتلاقي علامه
add new data لونها برتقالي

املا بياناتك الدراسيه من الاحدث للاقدم . . . بالمناسبه انت بتضغط علي العلامه (+) عشان تملا ا بياناتك لكل شهاده دراسيه و تقدر تعيد ترتيبهم في الاخر يعني حتملا مره للتخرج و مره الشهاده الجامعيه و مرة لكل شهاده دراسيه بعد الجامعه

 

المرحلة الثامنة

 الخبرات . . . نفس خطوات المؤهلات التعليمية بالظبط من حيث اضافه بياناتك بالترتيب الزمني

المرحلة التاسعة
 الدورات و الشهادات و. . بالنسبه لطريقه التسجيل زي الخبرات و المؤهلات التعليميه . الترتيب الزمني من الاحدث للاقدم متنسااااااش. . .

المرحلة العاشرة
اخيراااا القسم الاخير اللغه. . . ذكر المستوي بيكون زي المهارات بالظبططط

وبالتوفيق ليكو 

ازاي اعدي من الانترفيو ؟؟

ازاي اعدي من الانترفيو ؟؟
لما تجيلك مكالمه انك( انت كنت مقدم في كذا و عندك انترفيو يوم كذا في المكان الفلاني )
, لو دي اول مقابله تمر بيها او وحاسس انك مش مؤهل كفايه اكيد حتتوتر و ثقتك جايز تتهز شويه
طب تعالي بقي نقضي علي حبه التوتر و قله الثقه دي -- ازاي ؟ – ببساطه لما تبقي عارف حتقول ايه و محضر نفسك كويس فرص قلقك و توترك حتقل كتير
((حاول يبقي لبسك فورمال شويه بالوان غامقه علشان يبان عليك انك حد جد ملتزم و مسئول
وتعالي نعرف سوا ازاي نجاوب ازاي علي اسئله الانترفيو؟؟؟
 (1)
: كلمني عن نفسك
|introduce yourself
السؤال ده بيكشف حاجات كتير سواء في شخصيتك او في لغتك لو الانترفيو بالانجلش : مطلوب منك
: جاوب اجابات بسيطه و مختصرة تكون محضرها في دماغك من الاول
متجاوبش كانك روبوت حافظ و بيرص – اتكلم في اجاباتك عادي باسلوبك ( اللي محضره من امبارح)
اتكلم عن الحاجات اللي عملتها قبل كده مرتبطه بالوظيفه اللي متقدملها(سواء شغل او تطوع او حتي هوايه)
بمعني مثلا انت متقدم لوظيفه مسوق فانت ممكن من ضمن كلامك يكون دورك في انك تعرف الناس بالجمعيه الفلانيه اللي كنت متطوع معاهم ( حرفيا انت مشتغلتش في التسويق بشكل رسمي بس عندك ده حيوضح انك لك خبره في المجال اللي انت مقدم له ) و اخيراا لما تيجي
تتكلم اتكلم بتسلسل زمني من الاقدم للاحدث
بالمناسبه اجابتك الصح علي السؤال ده حتخدمك كمان في سؤال ايه خبرتكفي المجال ده و ده كمان من الاسئلة المهمه

(2)
: ليه سبت شغلك القديم/الاسبق/الاخير 

why did you leave your current/last job
حاول تكون اجاباتك ايجابيه في اغلب الاوقات --- و متقولش اي كلام سلبي علي مديرك الاسبق او زمايلك قدر الامكان
ممكن تبقي اجابتك في نطاق انك بتدور علي فرصه احسن عشان انت حاسس انك اتعلمت كل حاجه من المكان اللي فات
الحقيقة ان اي كلام سلبي علي مكان شغل سابق حيخلي شكلك انت اللي وحش حتي لو كان رايك ده حقيقي و كل الناس عارفاه

(3)
:ايه اللي بيخليك انسب حد للوظيفه مثلا-
/ why are you suitable for this job / why should I hire you ?
خلي اجابتك دايما بتشير ان نقاط قوتك و مهاراتك بتتفق مع متطلبات الوظيفه و احتياجات المؤسسه و متقارنش نفسك بحد
بمعني مثلا لو مقدم علي مدرس ممكن تقول انك شاكر في التعامل مع الاطفال اعمار كذا و بتعرف تقدم المعلومه بشكل مبدع و ده حيحسن نتايج الاولاد و حيعلي رضا اولياء الامور عن اداءنا مع ولادهم
 كده ربطت مهاراتك بمتطلبات الوظيفه 

(4)
نقاط ضعفك _عيوبك
what’s your biggest weakness?
اوعي تقول انك ملكش نقاط ضعف عشان حتي سوبرمان كان بيضعف قدام الكريبتون
الاجابه مش منطقيه و مش متصدقه
احسن اجابه ممكن تقولها هي عيوب مش حتاثر علي شغلك في حاجه

و اكيد كلامك عن نقاط قوتك او مميزاتك
يعني اتكلم عن مهاراتك ( الحقيقيه متحورش) و ابدا بالمهارات المرتبطه بالوظيفه
مثال علي المهارات عموما : اجاده لغه معينه / كمبيوتر / العمل تحت ضغط / مهارات بيع / العمل في فريق / المرونه / عمل كذا بابداع و هكذا

(5)
الراتب المتوقع
expected salary
طيب السؤال ده بالذات محتاج متديش فيه رقم محدد بمعني لو اتسالت عن الراتب متوقع يكون قد ايه قول ببساطه ان معندكش توقعات معينه بس الوظيفه دي مرتباتها بيكون ما بين كذا ل كذا ( و حط مدي كبييير يعني مثلا من 1500 ل 2500 كمثال علي حسب الشغل اللي انت مقدم عليه )

(6)
ليه حابب تشتغل معانا / في (اسم الشركه)
why do you want to work at this company( company name)
لو اتسالت السؤال ده خلي اجابتك مبنيه علي بحث بمعني لو الانترفيو في شركه كبيرة حاول تقرا اي حاجه عن الشركه قبل ما تروح و خلي اجابتك في العموم رابطه الوظيفه اللي متقدم لها بمسارك المهني يعني انت حاطت خطه لنفسك انك المفروض تعمل كذا تتعلم كذا عشان في
سنين تبقي حققت كذا 

ملحوظه اخيره : دي الاسئله الاكثر شيوعا بين كل الوظايف في اي مقابله شغل
عامه احيانا بيزيد عليهم سؤال او سؤالين خاصين بالوظيفه نفسها زي مثلا لو مقدم لكول سنتر بالانجليزي ممكن يسالك عن هوايتك او اخر فيلم شفته عشان لما تتكلم عنه يقدر يعرف انت متمكن من اللغه قد ايه سواء في الكنطق او تمكنك من التعبير عن اللي عايز تقوله

في التدريس مثلا احيانا المدارس بتطلب تشرح اي جزء من المنهج ك |demo| علشان يشوفوا جوده الخدمه اللي حتقدمها

ف نصيحتي اسال عن الوظيفه اللي رايح لها لو في الانترفيو بيكون طالبين حاجه نحضرها و خلي عقلك جاهز دايما للاجابه

https://www.facebook.com/careerarabicلو احتجت مساعده تواصل معانا علي رسايل الصفحه :)